ලෝසෑන් ඩයමන්ඩ් ලීග් කිරුළත් රුමේෂ් තරංගට

ස්විට්සර්ලන්තයේ පැවැති ලෝසෑන් ඩයමන්ඩ් ලීග් තරගාවලියේ හෙල්ල විසි කිරීමේ ඉසව්ව ජය ගැනීමට ශ්‍රී ලංකාවේ රුමේෂ් තරංග ඊයේ (21) සමත් විය.

එහිදී මීටර් 88.14 ක දක්ෂතාවක් දැක්වූ රුමේෂ්, ඉන්දියාවේ ප්‍රබල ක්‍රීඩක නීරජ් චොප්රාව සෙන්ටිමීටර 9 ක ඉතා සුළු පරතරයකින් පරාජය කරමින් මෙම ජයග්‍රහණය වාර්තා කළේය.

ලොව හෙල්ල විසි කිරීමේ සුපිරි ක්‍රීඩකයන් නවදෙනෙකු එක්වූ මෙම තරගාවලියේදී, නීරජ් චොප්රා මීටර් 88.05 ක දක්ෂතාවක් දක්වමින් දෙවැනි ස්ථානය දිනාගත්තේය. ග්‍රෙනඩාවේ ඇන්ඩර්සන් පීටර්ස් තෙවැනි ස්ථානයට හිමිකම් කීවේ මීටර් 86.69 ක දක්ෂතාවක් දක්වමිනි.

සෙසු ස්ථාන

• 4 වැනි ස්ථානය: කෙෂෝන් වෝල්කොට් (ට්‍රිනිඩෑඩ් ඇන්ඩ් ටොබැගෝ) - මීටර් 83.71
• 5 වැනි ස්ථානය: මාක් ඇන්තනි මිනිකෙලෝ (ඇමරිකාව) - මීටර් 80.06
• 6 වැනි ස්ථානය: කර්ටිස් තොම්සන් (ඇමරිකාව) - මීටර් 78.13
• 7 වැනි ස්ථානය: යාකුබ් වඩ්ලෙජ් (චෙක් ජනරජය) - මීටර් 77.32
• 8 වැනි ස්ථානය: ආතර් ෆෙල්ෆ්නර් (යුක්‍රේනය) - මීටර් 74.84
• 9 වැනි ස්ථානය: සයිමන් වීලන්ඩ් (ස්විට්සර්ලන්තය) - මීටර් 73.23

රුමේෂ් සහ නීරජ්

මෙය මෙවර තරග වාරයේ රුමේෂ් ලබාගත් තෙවැනි ඩයමන්ඩ් ලීග් ජයග්‍රහණය ලෙසද සටහන් වූ අතර මෙම ජයග්‍රහණයත් සමඟ රුමේෂ් තරංග සහ නීරජ් චොප්රා අතර පවතින ක්‍රීඩා තරගකාරීත්වය තවදුරටත් උග්‍ර විය.

මෙවර ග්ලාස්ගෝහි පැවැත්වුණු පොදු රාජ්‍ය මණ්ඩලීය තරගාවලියේදීද නීරජ් චොප්රා පරාජය කරමින් රන් පදක්කම දිනාගැනීමට රුමේෂ් සමත් විය.

වසරේ මුල් භාගයේදී කොන්දේ ආබාධයකට ලක්ව සිට නැවත පැමිණි නීරජ් චොප්රා, මෙවර තරගවාරයේදී තමන්ගේ කලින් පැවැති මීටර් 85.83 ක හොඳම දක්ෂතාව මීටර් 88.05 දක්වා ඉහළ දමාගැනීමට සමත් විය.