පරිශීලකයින් වෙත වඩාත් කාර්යක්ෂම සහ උසස් සේවාවක් ලබා දීමේ අරමුණින් ඉලෙක්ට්‍රොනික ආදායම් බලපත්‍ර පද්ධතිය යාවත්කාලීන කිරීමට කටයුතු යොදා ඇති බැවින් පළාත් 8ක අදාළ සේවාවන් තාවකාලිකව අත්හිටුවන බව අදාළ පළාත් සභා විසින් දන්වා සිටියි.
ඒ අනුව 2026 සැප්තැම්බර් 25 වැනි සිකුරාදා දින සිට 2026 සැප්තැම්බර් 28 වන සඳුදා දින දක්වා කාලය තුළ ඉලෙක්ට්‍රොනික ආදායම් බලපත්‍ර නිකුත් කිරීමේ සේවාවන් තාවකාලිකව අත්හිටුවනු ඇත.
සේවා තාවකාලිකව අත්හිටුවන පළාත්
පද්ධති යාවත්කාලීන කිරීම හේතුවෙන් පහත සඳහන් පළාත් 8 තුළ ඉලෙක්ට්‍රොනික ආදායම් බලපත්‍ර නිකුත් කිරීම තාවකාලිකව සිදු නොවේ.
- මධ්‍යම පළාත
- උතුරු මැද පළාත
- වයඹ පළාත
- දකුණු පළාත
- නැගෙනහිර පළාත
- උතුරු පළාත
- සබරගමුව පළාත
- ඌව පළාත
නැවත සේවාවන් ආරම්භ කිරීම
අදාළ පද්ධති යාවත්කාලීන කිරීම්වලින් අනතුරුව, 2026 සැප්තැම්බර් 29 වැනි අඟහරුවාදා දින සිට නැවත සාමාන්‍ය පරිදි සේවාවන් ලබා දීමට පද්ධතිය සක්‍රීය කරනු ලබයි.
මෙම තාවකාලික සේවා අත්හිටුවීම හේතුවෙන් සේවාලාභීන්ට සිදුවන අපහසුතාවය පිළිබඳව අදාළ පළාත් සභා සිය කණගාටුව පළ කර සිටියි.
Comments
Moderated before publishing. Your email stays private.