අරවින්ද ද සිල්වා සහ බිරිඳ තැබූ ප්‍රියංකා නියෝමාලිගේ ඇප රාජසන්තක කිරීමට නියෝග

එයාර් බස් ගනුදෙනුව සම්බන්ධයෙන් සිදු කරනු ලබන විමර්ශනයකට අදාළ සැකකාරියක වන ශ්‍රී ලංකන් ගුවන් සේවා සමාගමේ හිටපු විධායක කපිල චන්ද්‍රසේනගේ බිරිඳ වන ප්‍රියංකා නියෝමාලිගේ ඇප රාජසන්තක කිරීමට අද (30) කොටුව මහේස්ත්‍රාත් පසන් අමරසේන නියෝග කළේය.

හිටපු ප්‍රවීණ ක්‍රිකට් ක්‍රීඩක අරවින්ද ද සිල්වා සහ ඔහුගේ බිරිඳ වන ප්‍රියංගි නියෝමාලි විජේනායක යන දෙදෙනා මෙම සැකකාරිය වෙනුවෙන් අධිකරණයේ ඇප තබා තිබූ අතර මෙලෙස රාජසන්තක කරනු ලැබුවේ එම ඇප මුදල්ය.

ඇප මුදල් සහ අධිකරණ තීන්දුව

සැකකාරිය මීට පෙර රුපියල් මිලියන 20 බැගින් වූ ශරීර ඇප දෙකක් මත මුදා හැර තිබිණි.

අද දින නඩුව කැඳවූ අවස්ථාවේදී, ඇපකරුවන් වෙනුවෙන් අධිකරණයේ පෙනී සිටි නීතිඥවරයා දන්වා සිටියේ අද දින රුපියල් මිලියන 20 ක මුදලක් අධිකරණයට ගෙවන බවය.

ඉදිරිපත් වූ කරුණු සලකා බැලූ මහේස්ත්‍රාත්වරයා, අද දින රුපියල් මිලියන 20 ක මුදල අධිකරණයට භාර දෙන ලෙසත්, ඉතිරි රුපියල් මිලියන 20 ක ඇපය ඔක්තෝබර් 17 වැනිදා ගෙවන ලෙසත් නියෝග කළේය.

වරෙන්තු නිකුත් කිරීම සහ ඇපකරුවන් පෙනී සිටීම

එයාර් බස් ගනුදෙනුවට අදාළ විමර්ශනවලදී මෙම සැකකාරිය මේ වන විට අධිකරණය මග හැර සිටින අතර ඒ හේතුවෙන් ඇයට එරෙහිව වරෙන්තු නිකුත් කර තිබේ.

අද දින සිද්ධියට අදාළව ඇපකරුවන් වූ හිටපු ක්‍රිකට් ක්‍රීඩක අරවින්ද ද සිල්වා සහ ඔහුගේ බිරිඳ වන ප්‍රියංගි නියෝමාලි විජේනායක විවෘත අධිකරණයේ පෙනී සිටියහ.