පාපන්දු ලෝක කුසලාන අවසන් පූර්ව තරග 15-16

පාපන්දු ලෝක කුසලාන තරගාවලියේ අවසන් පූර්ව වටයේ තරග එළබෙන 15 සහ 16 යන දිනවලදී පැවැත්වෙන අතර එහිදී ප්‍රංශයට එරෙහිව ස්පාඤ්ඤයත්, එංගලන්තයට එරෙහිව ආජන්ටිනාවත් තරග බිමට පිවිසෙනු ඇත.

ප්‍රංශය සහ ස්පාඤ්ඤය අතර තරගය ශ්‍රී ලංකා‌ වේලාවෙන් 15 වැනිදා අළුයම 00.30 සිට ඩලස් ක්‍රීඩාංගණයේදී පැවැත්වෙන අතර එංගලන්තය සහ ආජන්ටිනාව අතර තරගය ශ්‍රී ලංකා වේලාවෙන් 16 වැනිදා අළුයම 00.30 සිට ඇට්ලන්ටා ක්‍රීඩාංගණයේදී පැවැත්වෙනු ඇත. ‍

එම තරගවදී පරාජයට පත්වන කණ්ඩායම් අතර තෙවැනි ස්ථානය තේරීමේ තරගය 19 වැනිදා මයාමි ක්‍රීඩාංගණයේදීත්, අවසන් මහ තරගය 20 වැනිදා නිව්යෝක් නුවර නිව් ජර්සි ක්‍රීඩාංගණයේදීත් පැවැත්වීමට නියමිතය.

අර්ධ අවසන් පූර්ව වටය

පළමු අර්ධ අවසන් පූර්ව තරගයේදී ගෝල 2-0 ක් ලෙස මොරොක්කෝව පරාජය කිරීමට ප්‍රංශය සමත් වූ අතර දෙවැනි අර්ධ අවසන් පූර්ව තරගයේදී ගෝල 2-1 ක් ලෙස බෙල්ජියම පරාජය කිරීමට ස්පාඤ්ඤයත් සමත් විය.

තෙවැනි අර්ධ අවසන් පූර්ව තරගයේදී එංගලන්තයට එරෙහිව ගෝල 2-1 ක ජයක් වාර්තා කිරීමට නෝර්වේ රාජ්‍යය සමත් වූ අතර සිවුවැනි අර්ධ අවසන් පූර්ව තරගය ජය ගැනීමට ආජන්ටිනාව සමත් වූයේ ස්විට්සර්ලන්තයට එරෙහිව ගෝල 3-1 ක ජයක් වාර්තා කරමිනි.

එහිදී වැඩි දෙනෙකුගේ අවදානය දිනා සිටි නෝර්වේ රාජ්‍යය පරාජයට පත්වීම පාපන්දු ලෝලීන් රැසකගේ බලාපොරොත්තු බිඳ වැටීමක් බවට පත් විය.

රන් පාවහන

මෙවර තරගාවලියේ වැඩිම ගෝල ලාභියා බවට පත්වෙමින් රන් පාවහන දිනාගැනීමට ඉදිරියෙන්ම සිටින්නේ ප්‍රංශයේ කිලියන් එම්බාපේය. ඔහු මේ දක්වා ගෝල 8 ක් ලබාගනිමින්, තවත් ගෝල 3 ක් ලබා ගැනීම සඳහා කණ්ඩායමේ සෙසු ක්‍රීඩකයන්ට සහාය දක්වා තිබේ.

ආජන්ටිනාවේ ලියොනල් මෙසී එම ලැයිස්තුවේ දෙවැනි ස්ථානයේ පසුවන අතර ඔහු ගෝල 8 ක් ලබාගනිමින්, ගෝල 2 ක් ලබා ගැනීම සඳහා කණ්ඩායමේ සෙසු ක්‍රීඩකයන්ට සහාය දක්වා ඇත.

අර්ධ අවසන් පූර්ව වටයෙන් ඉවතට විසිවූ නෝර්වේ රාජ්‍යයේ අර්ලින් හාලන්ඩ් ගෝල 3 කට හිමිකම් කියමින් වැඩිම ගෝල ලාභීන්ගේ ලැයිස්තුවේ තෙවැනි ස්ථානයේ රැදී සිටියි.