ලිට්‍රෝ ගෑස් මිල අඩු කිරීම හේතුවෙන් කිරි තේ කෝප්පයක සහ ප්ලේන් ටී කෝප්පයක මිල රුපියල් 5කින් අඩු කිරීමට පියවර ගන්නා බව සමස්ත ලංකා ආපනශාලා සහ අවන්හල් හිමියන්ගේ සංගමය පවසයි.
ඒ අනුව අද (5) මධ්‍යම රාත්‍රියේ සිට මෙම මිල අඩු කිරීම ක්‍රියාත්මක වන බව එම සංගමය සඳහන් කළේය.
කෙසේ වෙතත් කෙටි ආහාරවල මිලෙහි කිසිදු වෙනසක් සිදු නොවන බව ද එම සංගමය වැඩිදුරටත් සඳහන් කරයි.
ලිට්‍රෝ ගෑස් මිල ගණන් පහත වැටුණු ආකාරය
ඊයේ (4) මධ්‍යම රාත්‍රියේ සිට වහාම ක්‍රියාත්මක වන පරිදි ලිට්‍රෝ ගෑස් මිල ගණන් පහත දමා ඇත. ඒ අනුව සිදුවූ මිල සංශෝධනයන් පහත පරිදි වේ.
- කිලෝග්‍රෑම් 12.5 ගෘහස්ථ ගෑස් සිලින්ඩරය රුපියල් 100 කින් අඩු කර ඇති අතර එහි නව මිල රුපියල් 4,365 කි.
- කිලෝග්‍රෑම් 5 ගෑස් සිලින්ඩරය රුපියල් 42 කින් අඩු කර ඇති අතර එහි නව මිල රුපියල් 1,750 කි.
- කිලෝග්‍රෑම් 2.3 ගෑස් සිලින්ඩරය රුපියල් 20 කින් අඩු කර ඇති අතර එහි නව මිල රුපියල් 815 කි.
Comments
Moderated before publishing. Your email stays private.